Patang damini kada papa diulah. Gagawaian ulun mangatek keyboard neh handak basurah sa'ikit pasai wadai bulan puasa. Bulan puasa neh ujah syoitan iblis dipasung. Tapi banyak jua nang talapas. Nang banyak talapas tu pang syoitan nafsu - banyak urang kita kada kawa mangawal nafsu (selera). Parut nang ba'isi angin sapanjang harian, lalu batis babawa'an ka bazar ramadan. Uma' ai jah banyaknya wadai. Rambang mata maliati sagala janis kueh mueh awan lauk pauk. Salagi ada duit - salagi kawa tangan mambimbit sarabanya ditukari hagan babuka kina.
Dinto bakisah urang batukar wadai hagan babuka. Kaya ulun hudah tabiasa tumatan halui kada bisa batutukaran wadai babuka. Iya'am uma bapa susah. Napa diulah uma, itu nang dimakan kami sapa'adingan hagan babuka puasa. Amun parak handak ari raya kina ada haja' jiran-jiran sabalah manyubalah rumah ba'ataran wadai ka rumah kami. Baganti an ma'isi'i tingkat / wadah wadai mambalas pambarian urang. Ayuh haja' sa'adanya ikut kamampuan. Syukur alhamdulillah wayahini napa handak dimakan hingkat haja ditukar.
Kaya ulun neh amun handak babilanja ganal hagan babuka tu kada pati suah, malainkan amun handak mara'ikan kulaan ka tamu nang datangan ka rumah - mau jua bahimat. Amun babuka di tampat-tampat exclusive wayah lagi anuman dahulu rajin jua ma'umpati bos-bos atawa kakawanan nang sugeh-sugeh tuh.
wadainya gan kada kaya
nang di rumah...
damini amun handak makan kah, babuka kah
check hulu kalo 'ai kadida sijil HALAL
Arini masuk hari ka'ampat bapuasa. Dua ikung anak ulun di asrama ada bulik. Maka tupang bini ulun ada ba'u'ulah sa'ikit sapisel hagan babuka. Mun hari-hari nang hajan tuh ulun babuka ka sahur ka ala kadar haja'. Mun ulun hagan babuka tu ada jajumput tamar awan banyu bamati gan cukup + ikan masak goreng tauco atawa gangan ikan masak singgang gan marigak sampai ka sahur.
Tiada ulasan:
Catat Ulasan