BULIK KA SAKULAH...

Hahahaha...basa banjar. Bulik ka sakulah aka balik ke sekolah aka back to school. Arini di nagri-nagri nang cutinya ari Jumaat Sabtu sakulahan hudah dibukak. Kakanakan mulai sakulahan pulang. Amun manereng gambar-gambar neh kaganangan banar wayah bahari kayapa ulun ari pamula'an ka sakulahan.

1. Padatuan ulun ma'atar ka sakulahan.

2. "Ayuk lakasi babuat" ujar padatuan ulun manyuruh ulun naik basikal

( beskar ujar urang banjar ) Ulun babuat di palang hadapan beskar,

kakak ulun di balakang.

3. "Boop (buku) sudah dibawa samua'anlah" ujar datu ulun sambil

manggulagai kampil sakulahan ulun.

4. "Kanina sampai di sakulahan babaris di padang..." ujar kakak ulun

( hidin masa tu hudah darajah 3 ).

Kayapa rupa "padang" nih ujar ulun dalam hati.

( padang pada pahaman ulun "pedang" nang hajin kami bamain

padang ala-ala zoro batuping mata tuh .. )

Oooo rupanya padang tu tampat urang balumba bukah

awan main bol (bola sepak). Hanyar ulun tahu..naseb baik kada

ka padang tagah ulun tulak.

5. Pamula'an bapandir awan kawan hanyar

"... ni kula saya" ( kula = saudara ) ujar ulun.

( di rumah ulun bapandir basa banjar haja' -

di sakulahan pulang tuh urang jawa haja sa'alaman )

6. Tapi asa arai jualah.... ulun kada manangis

( walau kada suah jua masuk tadika )

BANDINGAKAN AWAN KAKANAKAN WAYAHINI?

AMUN HINGKAT MASA DIPUSING, MAU ULUN BULIK PULANG KA ALAM KAKANAKAN!!.

SELAMAT TAHUN BARU 2011

SELAMAT TAHUN BARU

( gagawian imbah lawas kada bacungap )

Selamat Tahun Baru 2011.

Amun basurah banjar pang kayapak pulang bunyiyak?

Salamat Tahun Hanyar. Bujurkah kaya tuh?

Inya saurang gan kada pati bisa banar lagi basurah banjar ya'am. Amun batakun awan urang nang lanteh basurah banjar, kalo salah lakonnya.

Dimapa maka urang banyak manyambut tahun hanyar Masihi neh rami banar

kada kaya rahat manyambut tahun hanyar Hijrah?

Mun awal tahun damia napa lagi nang rajin ditakuni urang. Apa ajam ikam tahun hanyar neh?

Mangganalakan anak.

Tu nang ulun handak manyambat.