Salipar. Salipar japun. Salipar hagan ka jamban. Salipar hagan balalah. Wayah ini urang mamakai salipar Japun ni ka mana-mana' ai. Suah ulun batamuan urang basalipar japun ju'uk-ju'uk di KLIA. Asa'an ulun inya' gagawaian haja' balalah di KLIA. - kada lawas imbah tu' tatamu pulang di balai berlepas - imbah tu taduduk parak pulang dalam kapal tarabang.
NAH..han tia' urang basalipar Japun gan kawa naik kapal tarabang. Kada urang sugih haja' hingkat naik kapal tarabang. Basalipar Japun kada jua jadi kita pinandu inya' urang susah.
Napatia entry ulun kalini maka salipar? Bapala' banar salipar nih..Minggu lapas ulun asa garigitan banar. Kada garigitan awan sasiapa kada'am. Garigitan saurang. Mana kada garigitan - ari Sanayan mulai bagawi'. Babaya' masuk ka pajabat saurang kunyuk-kunyuk mancari'i kunci laci meja gawian. Habis digulagai paket salawar awan kampil gawian kadada' jua tatamu kunci tuhh....
Labih ngalu lagi kapala sarungkuian kunci tu hilang tarait jua awan kunci pati wasi pajabat. Asa'an tatinggal di rumah kalu'. Bulik ka rumah satumat - habis digulagai sagala macam kampil awan paket salawar. Kadada' jua . Bulik pulang ka pajabat. Bapaluhan mamikirakan - ma'ingatakan di mana lakunnya diandak kunci tuh?. Batakun jua awan kakawanan mun ada tatamu - kadada' jua. Handap hudah pikiran ulun mahiyau kakanakan mamacahakan kunci laci meja bagawi' ulun. Talah sa'uteng problem - nih handak mambuka pati wasi ni kaya apa pulang nih?.. masalah nih amun dipacah jua'. Amun tapaksa kana dipacah jua'ai - tapikir pulang mun mahiyau tukang kunci ..... Nasiblah amun admin ada baduit hagan mambayar tukang kunci, salamat duit ulun - amun kada' duit ulun saurang tarabang.
Bagamat ulun manalipun admin (CT Zetun) mangadu hal.....asa handak tapacul salawar ulun kabila inya' bapadah di opisnya' ada sarangkai kunci diatar urang. Ulun batakun "rantai kunci tu selipar tulis Langkawi...?". "Iye...." ujar CT Zetun.
Dasar bapalak banar. Inya' hudah tuhak ya'am. Rahat banar kalumpanan. Receptor otak banyak nang hudah mati kada diganti pugak kalukuk. Adakah bajualan di kadai RM2.00. Mun ada hajin ulun manukar banyak nyaman diulah spare-part.
Ulasan ini telah dialihkan keluar oleh pengarang.
BalasPadamWslm
BalasPadambujur lawas hudah Emon kada bapandir awan abah.
Karap jua abah singgah maliati blog Emon
lawas kada di update .. tadi hanyar manereng entry Emon nang hanyar tuh... tapi abah kada ma'andak apa-apa surah di situ - kina tatawa'an kawan Emon mambaca komen abah. OOowh anak abah ni handak jadi cikgu leh??? ayuhak mana hajak nang panting hati sanang n minat awan gawian tuh.