Minggu ni' taparaung abah awan bapa mantuha' ulun garingan. Bini ulun bulik dahulu manjagai bapanya' - naik bas bulik ka Batu Pahat. Ulun lagi bagawian maka kada hingkat bulik ba'imbai. Tinggal ulun awan anak bongsu ulun awan anak nang babini di rumah. Ada anak babini sa'ikung nih hingkat jualah diharap bamasak hagan babuka puasa awan sahur. Pa'isukan arinya ulun dapat cuti - guringan hulu' imbah sahur / subuh ; imbah tu bulikan kami 3 baranak labihkurang pukul 9 pagi. Kada ikut labuhraya, ikut jalan lawas - maharan duit tol. Masa limpua' Spg. Ranggam sawat kami bamandak di Taman Seri Mewah 3 maliati rumah kami nang rahat di'ulah. Parak handak tuntung sudah. Imbah tu ma'atar anak ulun ka rumah padatuan sabalah umanya'. Bapa mantuha' ulun ni parak 90 tahun umurnya' hudah, maliat kami datangan bagagah hidin bapuat tumat tampat paguringan handak batamuan anak cucu'. Imbah barihat satumat ulun bulik ka rumah uma bapa ulun saurangan - pacangannya esuk handak mambawa abah ka hospital 'check up'.
Esuknya ulun awan uma' ulun mambawa abah ka hospital - ma'ulah ultra sound awan pariksa darah. Kaputusan hanyar hingkat diambil esok atawa ari Salasa hadap. Kada kawa ulun manunggui. Minta tulungi awan ading ipar ulun (Nan) ma'ambilakan result abahku' esok.
parak handak tuntung hudah
pagana'an kami di kampung
..di sia' kami sapa'adingan diganalakan
suah ulun bagana' satumat di wad hospital nih
Tuah lahir di sini
Ulasan ini telah dialihkan keluar oleh pengarang.
BalasPadamwslm
BalasPadamabah redah aje buat benda-benda nih
x belaja IT
Emon kat kg ke?