TALAH HUDAH GAWIAN

Pukul 4.03 minit pagi. Talah hudah gawian ulun. Pukul 3.20 tadi si Faizal manalipon ulun bapadah hudah sampai ujarnya. Inya manunggui ulun di bus stop Taman Johor. Sanang sa'ikit gawian ulun - amun ianya talapas ka Larkin jauh ulun handak ma'ambili. Imbah ma'atar sampai ka lawang guest house ( Seri Mersing ) ulun bulik ka rumah. Mata pulang kada handak guring - esok handak bagawi nih. Ayuhak handak kada handak ulun handak marabahakan awak jua' dapat sajam dua guring jadiam......zzzzzzz

NGANTUK AH...

Laa dah pukul 3 nih - napa kadada call lagi. Hudah talapaskah Faizal nih?. Taguring kaluluk dalam bas kapanatan ( inya' kada tahukah nang manunggui' nih lagi panat awan mangantuk lagi?. Tadi sudah dipadahi, amun imbah haja' tol Skudai bapadah awan driver minta turunakan di bus stop Taman Johor - amun hudah talimpuak ka Larkin... umak 'ai jauh tu ulun handak ma'ambili. Talah hudah 1 hapdet ulun neh...bila lagi handak sampai neh andika' 'aii - panat awan mangantuk ulun manunggui.

SAMALAMAN GURING-GURING HAYAM

Amun makan hayam guring (ayam goreng) nyaman. Ini samalaman hampir kada baguringan. Malam ni aku kana manunggui lecturer tumat K.L. Ujarnya tangahari tadi inyak naik bas tumat K.L. jam 10 malam kerna ada makan malam awan menteri KDN ( siapa lagi amun kada YB Dato Seri Hishamuddin ). Jadi ulun bakira-kira amun pukul 10 mula bajalan dalam pukul 2 pagi sampai JB. Tapi tadi labihkurang jam 11.15 malam inyak manalipon memadahakan bas hanyar bajalan pukul 11 malam - nak kana manungguik lagi aku sampai pukul 3 pagi?. Ni hudah pukul 2.45 kadada lagi call. Imbah ma'atar inya' ka guest house kaina' tahu pukul barapakah hanyar talah - mau Subuh hanyar imbah kaluk. Tadi ulun labihkurang jam 1.30 taguring satumat - nih pukul 2.15 mata tabuncilak pulang kada mau guring, takutan kalumpanan kah, kada mandangar pun talipon babunyik. Jadi ulun layan hapdet blog ulun nih. Napa handak ditulis? Handak mangaradau tangah malam buta neh siapa handah mandangarakan?. Bini ulun pukul 11 tadi hudah guring. Esok anak ulun di Segamat handak bulik - ma'atar laptopnya ujar kada patian bujur, handak di format pulang. Esok patang ulun kana ma'ulah 'talk' awan staffs hanyar program ASK, Sabtu and Ahad ka MBJB saharian program TC Refresher Course, Ahad 26/7 Family Association, next minggu 31/7 - 1/8/09 organise Co-Dependency Seminar = argghhhh bulan ni kadada cuti hujung minggu - woi seksyen 10 Akta kejam kah?

MINGGU BAPANAT AWAK

Ari hujung minggu. Dikaubarakan jua ‘habdet’ blog ulun neh. Inya urang bablog ulun handak jua bablog amun ditereng haja’ maka labih baik kada payah bablog. Awak ulun lagi kada patian wagas banar lagi. 30/6 lalu batamuan doctor – magun jua lagi doctor kada hingkat menyambat apa jua Janis uyuhnya ulun neh. Lalu darah ulun diambil lagi. Itu carita pasal sihat uyuh awak ulun.

Ni carita gawean nang rahat awan kada habis-habis. 23/6 lapas papagian lagi ulun disuruh manggantiakan urang ke Cherating. Awak ulun nang sudah uyuh asa batambah uyuhnya lagi. Rahat banar gawian ‘ad hock’ kaya ini. Ulun lalu bulik ka rumah bakamas apa nang patut. Sambil bakamas manalipon EO batakun apa ngaran gawian awan di mana tampatnya. EO mamadahakan ngaran workshop tuh physical protocol detoxification for opoiod and stimulant di holiday villa beach resort cherating – Awi ma’atar ujar EO manambah.

Tuntung bakamas ulun manalipon Awi minta datang ka rumah ma’ambili ulun. Sawat lagi ulun makan masa mahadangi Awi sampai. Sawat jua ulun singgah ka farmasi UDA manukar ubat-ubatan takutan garing uyuh ulun datang pulang. “Awi tahukah tampat kita handak tulak nih? [terjemahan cakap melayu]” ulun batakun Awi “kita redah ajelah” ujar Awi. Imbah tu ulun lalu taguring. Awi mangajutakan ulun masa di Tg Gemok Mersing. Imbah makan and solat kami sambung parjalanan and ulun sambung guring lagi. Imbah lapas Kuantan ulun kada guring lagi – bagamat kami mancari tampatnya. Labihkurang pukul 6 sampai kami ka tampatnya. Imbah ma’atar ulun check in Awi bulik ka Kuantan, ujarnya handak guring di rumah kulanya di sana.

Bilik 229 ranai ulun baganak saurangan – amun bisa bapandir awan tv kan bagus. Jam 8 malam imbah makan ada taklimat katuha projek [Dr Sangeet Kaur]. Imbah suaikanal and bagi group bulik ka bilik guringan.

Esuknya sampai 26/6 siksanya ba”workshop” awan ma’ulah “presentation” group. Tumat 8 pagi sampai 10.30 malam, hari-hari – tuhuk banar kami. Labih sakit hati lagi dewan workshop kami tu di pinggir laut tapi kami kada hingkat tajun ka banyu mandi laut. Nasib baik malam last ada BBQ di pinggir pantai – marasa jua dingin angin malam.

Hari masa handak bulik EO bahabar di telepon “driver yang nak datang ambik accident kat Pekan – kena balik sendiri “. Jadi ulun bulik manumpang kakawanan nang bulik Malaka. Tumat di Malaka ulun naik bas – sampai rumah pukul 10 malam.

Esuknya (27/6) papagian ulun awan bini ulun n anak bongsu ulun ma’atar anak ulun (esan) mandaftar pelajar baru ka UiTM Segamat. Anak ulun nang di KL gan turun. Imbah talahan urusan ulun bahurup matukah awan anak ulun. Ulun saurangan bulik ke BP batamuan uma bapa’ – bini awan anak-anak ulun ke Merlimau rumahKak Timah dipasanakan ma’ambil buah di dusun hidin. Pukul 6 patang ulun sudah sampai ka rumah. Parak jam 12 malam hanyar anak bini ulun sampai tumat di Malaka – barihunan ba’angkut durian, manggis, rambutan, pisang kadundung n macam-macam lagi salagi muat bonet matukah. Apabila makan kada ba’ingat tagaling pulang asa uyuh awak nang hanyar asa handak wagas nih.

AWAK UYUH - GAGARINGAN

Asa lawas banar kada babuat ka siak. Tu 'am urang ba blog ikam handak jua ba blog tapi kada pati kaubar. Aur bagawi hajak. Kada pati lawas baganak di rumah aur ka sana ka sini bagawi. Amun aur bagawi hajak awak gan panat kadada masa handak meliati blog saurang. Amun ma'itihi internet gan hanya untuk mancari sumber maklumat banarai. Sibuk, panat, kada kaubar itu nang sudah tantu sababnya tapi satu sabab lagi parak jua' 3 minggu ulun uyuh. Bamula 17/5/09 ulun diarah manggantiakan boss ulun ka Akademi Akauntan Negara (AAN - bandar enstek Nilai) ke seminar accountability index sampai 19/5/09. Handak tulak hajak hudah ada masalah. Kadada driver ma'atar. Di tampat pagawian ulun matukah banyak tapi driver 3 ekong haja' ada. Kabatulan samu'an driver kami out-station. Jadi kana mambawa matukah sauranglah jawabnya. Ulun ni hudah lawas kada pati kawa mamandu lawas. Paling lawas sejam sudah manguap (kaya' harimau...hehehehe..). Salalu amun bulik kampung nang pajalanannya' kada sampai 2 jam gan bini ulun nang mamandu (ulun guring pang - nasib baik bini ulun bisa mamandu walaupun kada bagawi kaya' babinian ber'kerjaya' lain ). Jadi ulun tulak tumat rumah ulun di JB labihkurang pukul 11.00 pagi, imbah mancari sa'ikit jajanan dan kaparluan di Maiden, makan awan ma'isi minyak - gamat-gamat ulun memandu. Amun di labuhraya tu gamat kada gamat, amun kada maniring speedo meter kada sadar 130 kmh hudah lajunya- uma' ni mun kana saman kada magan claim mileage ulun. Iya matukah jarang dipakai ya'am Waja 1.6 ulun ni bini ulun pang mamakai hari-hari hagan ke pakan awan ma'ilangi anak di asrama. Ulun bagawi mamakai matukah lawas haja' karana jalan ka tampat pagawian tuh rahat diulah projek mahu 2 tahun kaluluk hanyar tuntung - tu nang matukah bakuncalak awan tanah lumpur amun hari hujan. Rahat mamandu biniku manalipun minta ulun singgah di Simpang Ranggam ma'ambil resit bayaran rumah, nasib baik balum talapas lagi tol Simpang Ranggam. Imbah itu ulun kaluar tol Air Hitam tarus mamandu ke utara gamat-gamat sambil makan jajan apa nang ada awan banyu 'O' botol kurang manis?. Ulun bamandak di R&R Ayer Keroh labihkurang pukul 3.30 - sambayang jama' zohor / asar awan barabah marihatakan awak. Bini ulun manilpun lagi "sudah sampaikah?" inya takajut pabila ulun mamadahakan hanyar sampai di Ayer Keroh. Hanyar ta'ingat waktu mendaftar kada lewat jam 5.00 patang - tampat nang dituju kada tahu lagi. Lakas-lakas ulun manyambung jalan. Maliwati Simpang Ampat ulun tapikir pulang handak ikut tol Saramban kah, Nilai kah?. Iya' am salalu mun diatar driver tahu-tahu sampai - ini tulak saurangan padan muha'. Manganangakan tampat nang ulun handak tulak tu di Nilai ulun ambil kaputusan kaluar ikut tol Nilai. Masa mambayar tol tol jurutol tu mambari panduan jalan ka AAN. Tapi bukan sanang mancari tampat tuh - tasasat jua ulun sakali. Tampat tu partama kali ulun tulak saurangan ( parnah ka USIM tapi diatar urang jadi kada pati ingat - talalui jua sakulahan 'anak abah si Emon - Kolej Nilai ) tapi AAN tu lagi jauh ka' atas. Masa tasasat tu batakun awan urang banyak nang kada tahu' bandar enstek - panyudahnya ada saekong Cina nang tahu lalu ma'ulahakan plan, akhirnya pukul 5.45 hanyar ulun sampai ke AAN. Imbah mandaftar ulun barihat di bilik 310 - sudah saurangan jadi maliati tv haja gawian. Masa makan malam hanyar batamuan awan pasarta-pasarta lain. Imbah makan bulik ka bilik - bapandir talipon awan bini ulun imbah tu tarus guring. Esok harinya mulai awak ulun asa gagaringan. Wahin awan hidung bahingusan awan kapala barat tapi digagahakan jua umpat basaminar. Pasartanya pangarah-pangarah nagari,pangarah-pangarah bahagian,komandan samu'an gred 48 - 54. Tapi mareka kaya' urang biasa jua' amun hadir ka seminar - ada nang taguring masa sesi, ada nang ponteng, ada nang ranai burinik, ada nang aktif batakun macam-macam [ amun awan urang bawahan maka'am kaya' inya' hajak nang bujur ... wakakakaka...). Alhamdulillah sampai jua hari akhir 19hb, majlis panutup dan panyampaian sijil oleh TKP(P) n Pengarah AAN. Imbah haja' sudah majlis labikhkurang pukul 5.15 tarus haja' ulun mamandu bulik, kali ini ikut Saramban (ujar urang labih parak) nekad haja' mamandu saurangan karna hari parak kadap hudah alhamdulillah sampai ka Saramban imbah labihkurang 40 minit. Masa mamandu tu garing ulun asa batambah - risau ulun takutan kalu kada hingkat sampai ka rumah ( ma'ambil panadol kalu sudah barapa bigi - tapi kada surut garingnya) Ulun singgah di Pagoh makan awan solat jama' maghrib / isya'. Imbah tu mayambung parjalanan bulik ke rumah. Labihkurang pukul 9.30 malam ulun salamat sampai di rumah. Minta bini ulun manukarakan ubat karna rasanya garing ulun kada baik lagi. Esoknya imbah bini ulun ma'ambil anak bulik di asrama - ulun di bawa bini awan anak ulun ka klinik. Kana' inject awan ubat-ubatan RM70.00 + m.c. Hari Sanayan kada hingkat tulak bagawi lagi, garing / uyuh awak batarusan. Ka klinik kerajaan tapi kana ambil no. giliran kada sabar lawas batungguan lalu ka out door clinic kana lagi RM60.00 + m.c. 2 hari - dirujuk ke hospital kerajaan. Imbah tu hari-hari ke hospital - amik darah 4 kali hagan apakah kada ku tahu' , masuk banyuk 2 litre : masa tu risau pun ada maklumlah H1N1 rahat riuh sa malaya, suspect denggue + miningitis+chikunguya lagi.....wahhh payah ni. Last sekali Sabtu 2 minggu imbah tu ujar doktor ulun bebas dari 4 suspect sakit tuhh.... tapi ada lagi merisaukan 'dalam kad antara lain doctor tulis note ".....liver imp. chronical hepatitis ? cause" bila tanya doc kata tunggu result on 30/6/09. Manunggui tarikh result tuh lagi labihkurang saminggu risau jua' hati ( anak bini ulun kada tahu') tapi samantara menunggu result doc suruh cari ubat kat pharmacy ( jetepar ke abende / makan 3 capsule sehari ). Tapi sampai hari ini uyuh awak ulun nih kada sambuh sapanuhnya lagi. Amun baganak / badiam di rumah lagi uyuh. Nang herannya amun ka pagawian kalumpanan samua ka'uyuhan tuhh. Jadi rasanya gagaringan ulun kali ni (imbah lawas kada uyuh) lawas banar rasanya. Tapi ada lagi nang marisaukan ulun ... apa kaputusan pamariksaan doc 30/6/09 kaina??. Harap-harap berita + tive. Ohh...hari ni ulun asa ungah sa'ikit anak-anak ma'ucapakan 'Selamat Hari Bapa' and anak-anak ulun bakongsi sapa'adingan awan umanya manukar KFC makan n bado'a salamatan ayahnya. Amin.